ഈ ആഴ്ചയിലാദ്യം (5)

വിദ്യാഭ്യാസം വെറും അഭ്യാസം മാത്രമായി പോകുമോ?

ഞങ്ങളുടെ കുട്ടിക്കാലത്തൊക്കെ ഉസ്കൂൾ എന്നത് ഒരാധനാ സ്ഥലം പോലെ പവിത്രമായിരുന്നു. ഗുരുവരന്മാർ മാതാപിതാക്കളെക്കാൾ പ്രിയമുള്ളവരായിരുന്നു, പഠനോപകരണങ്ങളും പഠനവും അഭിമാനമായിരുന്നു, ഇന്നത്തെയത്ര  സൗകര്യങ്ങളൊന്നുമില്ലാത്ത സാധാരണ മലയാളം സ്കൂളിൽ കുമാരനാശാനെയും വള്ളത്തോളിനെയും ഉള്ളൂരിനെയും ഒക്കെ അറിഞ്ഞുള്ള യാത്ര ഏറെ മധുരതരം  അവിടെനിന്നു പകർന്നുകിട്ടിയതിൽ നിന്നൊറ്റയെണ്ണം പോലും പതിരായില്ല. എത്രദൂരം താണ്ടിയാണു ഉസ്കൂളിലെത്തുക ഏഴു പീരിയഡും പലപലവിഷയങ്ങളും ചർച്ചകളുമായി കടന്നു പോയകാലം എത്ര മനോഹരമായിരുന്നു. ഒരോരോ വിഷയങ്ങളിലും അഗാധമായ അറിവുള്ളവരായിരുന്നു അദ്ധ്യാപകർ, അവരുടെ അറിവിനെ പരിഷിക്കേണ്ട ആവശ്യം ഒരു വിദ്യാർഥിക്കും ഉണ്ടായിരുന്നില്ല.. ഗുരുവരന്മാരുടെ പ്രധാന്യം  രക്ഷകർത്താക്കൾ നിരന്തരം ഓർമ്മപെടുത്തിയിരുന്നു. അതു അക്ഷരം പ്രതി അനുസരിക്കാൻ കുഞ്ഞുങ്ങൾക്കായിരുന്നു

എന്നാൽ ഇന്നു എന്താണു സ്ഥിതി ഏതദ്ധ്യാപകർക്കാണു വിദ്യാഭ്യാസത്തോടും ജോലിയോടും ആത്മാർഥതയുള്ളത് മാസാമാസം വരുന്ന ക്യത്യമായ ശമ്പളം അതിനോടല്ലാതെ മറ്റെന്തിനോടാണു അദ്ധ്യാപകർ കൂറുകാണിക്കുക.ഇന്നേതു വിദ്യാർഥിയാണു രക്ഷകർത്താക്കളെയും അദ്ധ്യാപകരെയും അക്ഷരം പ്രതിയനുസരിക്കുന്നത്? എല്ലാം മോഡേൺ എന്ന പേരിൽ പേകൂത്തായി മാറികൊണ്ടിരിക്കുമ്പോൾ നശിക്കുന്നത് ഒരു സംസ്കാരമാണു അതോടൊപ്പം നല്ലോരു തലമുറയും അദ്ധ്യാപകർ ദൈവതുല്ല്യരെന്ന നിലയിൽ നിന്നും ചെകുത്താന്റെ പിന്മുറക്കാരെന്നു പറയേണ്ടി വരും പത്രവാർത്തകൾ വായിച്ചാൽ

ശിഷ്യഗണങ്ങൾ എല്ലാവിധ ദുശീലങ്ങളും ആരംഭിക്കുന്നതാകട്ടെ മാത്യകാ വിദ്യാലയങ്ങളിൽ നിന്നും ലഹരി വസ്തുക്കളും അതുപോലെ തന്നെയുള്ള മറ്റു കാര്യങ്ങളൂം അവർക്ക് വളരെ നിഷപ്രയാസം ലഭിക്കാവുന്ന ഇടങ്ങളായി ഇന്നു വിദ്യാഭ്യാസ സ്ഥാപനങ്ങൾ മാറി. സമ്പന്നരുടെ സ്ഥിതി വ്യത്യസ്തമാണു ആധുനികതയിൽ അധിഷ്ഠിതമായ വിദ്യാഭ്യാസ രീതി പിന്തുടരുമ്പോഴും അവരുടെ സാമ്പത്തികസ്രോതസ്  ഉന്നതമായ നിലകളിൽ എത്തിക്കാൻ കെല്പുള്ളതാണു

സർക്കാരുകളുടെ വിദ്യാഭ്യാസ നയങ്ങളും വിദ്യാർഥികളുടെ ഉന്നമനത്തിനായി യാതൊന്നും ചെയ്യുന്നില്ല എന്നത് സത്യം. പതിനാണ്ടുകൾക്കപ്പുറത്ത് ശ്രീ ജോസഫ് മുണ്ടശ്ശേരി മാഷിനെ പോലെയൂള്ള ദീർഘദർശികളായ ആൾക്കാർ രൂപം കൊടുത്ത വിദ്യാഭ്യാസനയങ്ങളെ യാതൊരു ദയയും ദാഷണ്യവുമില്ലാതെ കശക്കിയെറിഞ്ഞുകളഞ്ഞ നരാധമന്മാരായ ഭരണക്കാരും  വിദ്യാഭ്യാസത്തെ കച്ചവടചരക്കാക്കി മുക്കിനുമുക്കിനു സ്ഥാപനങ്ങൾ കെട്ടിപൊക്കി വിലപേശുന്ന സമുദായ ദ്രോഹികളായ നേതാക്കളും അവരുടെ വാക്കുകൾക്ക് വേദതുല്ല്യപരിഗണന നല്കുന്ന രാഷ്ട്രീയക്കാരും കൂടി നമ്മുടെ നല്ലോരു തലമുറയെ നശിപ്പിച്ചുകളയുകയാണു.