നേരു നേരായി കാണുന്നവരൊക്കെയും
നീതിലോകത്തിന്റെ കണ്ണിലന്ധന്മാർ
അസത്യത്തിനു നേർ കണ്ണടയ്ക്കുന്നവർ
അനീതിയ്ക്കെതിരെ പോരാട്ടം നയിക്കുന്നവർ
ആർത്തലോകത്തിന്റെ കണ്ണീരൊപ്പുന്നവർ
അത്താഴപട്ടിണിക്കാരെ വിളിച്ചുണ്ണിക്കുന്നവർ
ഒക്കെയും ഒക്കെയും തെറ്റുചെയ്യുന്നവർ
ഒത്തൊരുമിച്ചെതിർക്കപെടേണ്ടവർ
വെളുക്കെചിരിച്ചു മനസു കറുപ്പിക്കുന്നവർ
വെറുപ്പിനെ വെറുതേ കുട്ടിനുകുട്ടുന്നവർ
അന്നം മുടക്കി കാഴ്ചകൾ കാട്ടുന്നവർ
അഹന്തതയ്ക്ക് വിരുന്നൊരുക്കുന്നവർ
ഞാനെന്ന ഭാവത്തിൽ ഞെളിഞ്ഞുനടപ്പർ
ഞങ്ങൾ  പ്രമാണികളെന്നു നടിപ്പവർ
ഒക്കെയും ഒക്കെയും ശരിയായവർ
ഒത്തൊരുമിച്ചാനയിച്ചിടേണ്ടവർ