ഞാൻ രാഷ്ട്രീയക്കാരനല്ല എന്നു പറഞ്ഞു തുടങ്ങുന്ന ഒരാളെ ശ്രദ്ധിക്കു അയാൾക്കു വ്യക്തമായ രാഷ്ട്രീയ നിലപാടുകൾ ഉണ്ടാകും വെറുതെ ഭംഗിവാക്കിനെനിക്കു രാഷ്ട്രീയമില്ലെന്നു പറയുമെങ്കിലും എല്ലാ കേരളീയരുടെ ഉള്ളിലും മാന്യനായ രാഷ്ട്രീയക്കാരനുണ്ട്, മറ്റ് സംസ്ഥാനങ്ങളെ അപേഷിച്ചു കേരളത്തിനു പ്രബുദ്ധമായ രാഷ്ട്രീയനിലപാടൂകളാണുള്ളത് എന്നു പറയാം പക്ഷേ ചില തട്ടുകേടുകൾ ഇവിടെയും സംഭവിച്ചിട്ടൂണ്ട് ശരിയായ കോൺഗ്രീറ്റ് തുണുകൾ കൊണ്ട് താങ്ങു കൊടുത്താൽ ചിലപ്പോൾ താഴെ വീഴാതെ പ്രബുദ്ധത നിലനിർത്താമെന്നു തോന്നുന്നു അങ്ങനെ മാന്യമാരായ രാഷ്ട്രീയക്കാർക്കുള്ളതാണു ഈ പംക്തി വായിക്കുക  വിമർശിക്കുക

കേരളത്തെ മുഴുവൻ മഴപനി പിടികുടിയിരിക്കുകയാണു പക്ഷേ പനിയെക്കാൾ കുടുതൽ പ്രചരിക്കുന്നതും പകരുന്നതും ചാനൽ പനികളാണു ആടിനെ പട്ടിയാക്കുന്ന പത്രമെന്നു മുമ്പ് കേട്ടിട്ടൂണ്ടെങ്കിലും നല്ല കറുത്ത് തലയെടുപ്പുള്ള ആനയെ വെറും കുഴിയാനയാക്കുന്ന ന്യുജനറേഷൻ ചാനലുകളാണു ഇന്നത്തെ കേരളത്തിന്റെ ഐശ്വര്യമെന്നു പറയാം ദൈവത്തിന്റെ സ്വന്തം നാട് എന്നതൊക്കെ പോയി മറഞ്ഞിട്ടു കാലം ശ്ശിയായി ഇപ്പോ വാർത്താചാനലുകളുടെ സ്വന്തം നാടാണു കേരളം. താങ്കൾ ഇന്നു ഭക്ഷണം  കഴിച്ചിരുന്നോ എന്നു ചോദിക്കുന്നു കഴിച്ചിരുന്നു  വിഭവങ്ങൾ അല്പം ഇറച്ചികറിയും കള്ളപ്പവുമാണെന്നു പറഞ്ഞാൽ കള്ളുകുടിയനാവുന്ന നാടാണു കേരളം എന്നുകുടി ചാനലിനെ പറ്റി പറയുമ്പോൾ പറയേണ്ടതൂണ്ട്.

നമ്മൾ പറഞ്ഞു വന്നത് പകർച്ചപനിയെ കുറിച്ചാണു കഴിഞ്ഞയാഴ്ച പിടിച്ച ചില പ്രത്യോകതരം പനികളെയാണു ഇവിടെ പ്രതിപാതിക്കുന്നത്, കോൺഗ്രസ്സുപാർട്ടിയുടെ പ്രസിഡന്റിനു പിടിച്ച ഉപമുഖ്യമന്ത്രി പനി അതിവേഗത്തിൽ പടരുകയും, പാർട്ടി പരിപാടികൾ ഉൾപെടെ മാറ്റിവയ്ക്കേണ്ടി വരുകയും കുടാതെ കേരള മന്ത്രിസഭയുടെ നിലനില്പിനു തന്നെ അപകടകരമാം വിധം ദോഷമായേക്കുമെന്നു വിചാരിച്ചെങ്കിലും പനിയുടെ ആരംഭദശയിൽ തന്നെ ഹൈകമാന്റ്ഡ് എന്ന പ്രത്യോകം തയ്യാറാക്കിയ മരുന്നു അതിവേഗ്ഗം ബഹുദുരം എത്തിച്ചു കൊടുക്കാൻ സാധിച്ചതുകൊണ്ട് പനി പെട്ടന്നു ഭേദമാകുകയും അദ്ദേഹം വീണ്ടും പരിപാടികളിൽ സജീവമായി പങ്കെടുത്തു തുടങ്ങുകയും ചെയ്തു 

ഉപമുഖ്യമന്ത്രി പനികോളു ആദ്യം തുടങ്ങിയത് കേരളം ബഹുമാനിക്കുന്ന മാണി സാറിനാണെങ്കിലും, ഒടുവിൽ അഡ്മിറ്റ് ചെയ്യേണ്ടി വന്നത് കുഞ്ഞാലി സായ്പിനെയാണു, കേരളത്തിലെ ഒരു ജില്ലമുഴുവനായി പടർന്നു പിടിച്ച പനി കേന്ദ്രഗവർമെന്റിനു തന്നെ ദോഷമായേക്കാവുന്ന സ്ഥിതി വിശേഷത്തിലെത്തിയെങ്കിലും പെട്ടെന്നു ചന്ദ്രികാലേഖനാ ഔഷധം ചങ്ങനാശേരി വലിയ വൈദ്യൻ എത്തിച്ചതു കൊണ്ട് വലിയ കുഴപ്പമില്ലാതെ മാപ്പുപറഞ്ഞു കീഴടങ്ങി

ഒരു പ്രത്യോക തരം പനിയാണു കേരളത്തിലെ രണ്ടു പ്രമുഖസമുദായനേതാക്കളെ പിടികുടിയിരിക്കുന്നത് ചൊറിച്ചിൽ പനി ഈ പനി വന്നാൽ ആരെയെങ്കിലും വെറുതേ ചൊറിഞ്ഞുകൊണ്ടിരിക്കണം താക്കോൽ സ്ഥാനവും താലിബാനുമെന്നൊക്കെ ഇടയ്ക്കിടയ്ക്ക് പറഞ്ഞുകൊണ്ടിരിക്കും ഈ പനിയത്ര കാര്യമാക്കാനില്ലന്നാണു അനുഭവസ്ഥർ പറയുന്നത്  പ്രായത്തിന്റെ അസ്റ്റ്കിത്കൊണ്ടുണ്ടാവുന്ന പനിയാണിത് ഇതിനു ചികിൽസ കിട്ടുന്ന കേരളത്തിലെ രണ്ടു സ്ഥലങ്ങളിലും മറ്റു രോഗികൾ പ്രശ്നമാക്കിയതു കാരണം ചികിൽസ വൈകുമെന്നാണു തോന്നുന്നത്.

ധാരാളം പനികൾ കാണുകയും കൊള്ളുകയും ചികിൽസിക്കുകയും ഒക്കെ ചെയ്തു മടുത്തതു കൊണ്ടാവാം പനി ഇത്തവണ എ.കെ.ജി സെന്റ്രിൽ കേറിയതേയില്ല ലോറൻസ് സഖാവിന്റെ പനിയ്ക്ക് മരുന്നു കൊടുത്ത് ഇരുത്തിയതു കൊണ്ടാവാം ഈയാഴ്ച പനികാര്യത്തിൽ അവർ വളരെ പിന്നിലായിരുന്നു, പക്ഷേ പ്രതിഷയ്ക്കു വകയുണ്ട് ഇറങ്ങിപോക്ക് പനി ഇന്നലെ മുതൽ ആരംഭിച്ചിട്ടുണ്ട് പെട്ടെന്നു ചികിൽസിച്ചില്ല എങ്കിൽ അതു അടിയന്തപ്രമേയമായും ഹർത്താലുമായി ഒക്കെ ഗുരുതരമായ പനിയിലേയ്ക്ക് മാറിയേക്കാം പിന്നെ അവിടെ സമാധാനം കഴിഞ്ഞ പനികാലം മുഴുവൻ അമേരിക്ക സന്ദർശിച്ച് മടങ്ങി വന്ന നല്ലോരു ആരോഗ്യ പരിപാലിക കുടെയുണ്ട് എന്നതാണു

അവസാനമായി വളരെകാലമായി പനിയുടെ ലക്ഷണം കാണിക്കുകയും പെട്ടെന്നു മുർഛിച്ചു ഗുരുതരാവസ്ഥയിലാവുകയും ചെയ്ത് സോഷ്യലിസ്റ്റ് പനിയെ കുറിച്ചു പറഞ്ഞു മതിയാക്കാം ഇതിൽ പനിക്കാർ രോഗിയും വൈദ്യനുമാണു അതുകൊണ്ട് തന്നെ പനി പെട്ടൊന്നൊന്നും മാറുമെന്നു തോന്നുന്നില്ല  ഒരു പക്ഷത്തിനു കുറച്ചു പഴങ്ങളുമായി ശത്രുക്കളെത്തി തുടങ്ങി

കാര്യമായ പനികളൊന്നും ബാധിച്ചില്ല എങ്കിൽ അടുത്ത വാരം ഇവിടെ കാണാം 

VRP

 

ആദ്യമാദ്യം ഞാൻ മാത്രമായിരുന്നു
അന്നൊക്കെ എന്തോരം ഐക്യമായിരുന്നു
അനുയായികളെത്തിതുടങ്ങിയപ്പൊഴേയ്ക്കും
എയെന്നും ഐയെന്നും ചേരികളുണ്ടായിതുടങ്ങി
ചേരികളൊക്കെ ചർച്ചകൾ തുടരുമ്പോൾ കാര്യമാക്കിയില്ല
ചേരികളൊക്കെ ഒടുവിലിങ്ങനെ തമ്മിലടിക്കുമെന്നോർത്തില്ല
തെരുവിൽ രാഷ്ട്രീയ എതിരാളികൾക്കു തമ്മിലടിക്കാം
കാഴ്ചക്കാർ ഏതെങ്കിലുമൊരു പക്ഷത്തു ചേരും
കുടെയുള്ളവർ ചേരിതിരിഞ്ഞടിച്ചാൽ എന്താവും
കാഴ്ചക്കാർ വേദികൾ കയ്യടക്കും കരണത്തുമടിക്കും
ചാനലുകൾ കഴുകന്മാരാണു അവർക്കു ചോദിക്കാം
ചെന്നിരിക്കുന്നവർ അധരം വാടയ്ക്കു കൊടുക്കരുത്
കണ്ട പച്ചയും മഞ്ഞയും കാവിയും ചെങ്കൊടിയുമെല്ലാം
കാണിക്കുന്നത് കണ്ടാൽ കാതുപൊത്തരുത് കാതടച്ച് കൊടുക്കണം
വീട്ടുകാർ തമ്മിൽ തല്ലുന്നത് ആദ്യമായല്ല പക്ഷേ
വീണടുത്തു നിന്നു ഉയർത്തെഴുന്നേല്ക്കാൻ സമയം വേണം
കുറു വേണം ഉയർത്തുന്ന കൊടിയുടെ നിറത്തോടും നയത്തോടും
കാലുതിരുമ്മുന്നത് കാലകേടിനാണു, ഓർത്തുവയ്ക്കുന്നത് നല്ലതിനു
പാർട്ടിവിചാരിച്ചാൽ ഇവിടൊരു ചുക്കും നടക്കില്ല പക്ഷേ
വോട്ട് ചെയ്യുന്നവൻ വിചാരിച്ചാൽ ഇവിടെ പലരും നടക്കും
പിറകിലൊരു വലിയ ആരവമില്ലാതെ ഒരാൾക്കും ഒന്നും പറ്റില്ല
പിന്നിലാരവത്തിനാണു ജയ് വിളികൾ
പണ്ടും പലരും ആവേശത്തിനു കായലിൽ ചാടിയിട്ടുണ്ട്
ഞൊണ്ടിയാണു തിരിച്ചുകയറിയത് കൊടുത്തത് മാന്യതയും
വെറുതെ വെടക്കാക്കി തനിക്കാക്കാൻ നോക്കണ്ട
വീട്ടിലിരിക്കേണ്ടി വരും  പല വാചകക്കാരും
ജനങ്ങൾക്ക് മറവി അനുഗ്രഹമാണു അതുകൊണ്ട്
ജനാധിപത്യം വിജയിക്കുന്നു വീണ്ടും തിരിച്ചു വരാം

 

വടക്കോട്ടുള്ള ജനലെടുത്തുമാറ്റി അവിടെ കല്ലുകൊണ്ടടച്ചു, വീട്ടിലേയ്ക്ക് സുര്യപ്രകാശം കടന്നു വരാൻ വാതിലിനു പിറകെയുള്ള ആകെ ഒരേ ഒരു വഴിയായിരുന്നു ആ ജനാല അതിങ്ങനെ വിശാലമായി തുറന്നിട്ടാൽ അകലെ വഴിയോരങ്ങൾക്കപുറത്തുള്ള ചാക്കോയുടെ പലചരക്കു കടവരെ കാണാം വഴിയിലുടെ കടന്നു പോകുന്നവരോടൊക്കെ കുശലം പറഞ്ഞിരുന്നത് ജനാലയ്ക്കലിരുന്നാണു, ഒറ്റയ്ക്കായി പോയി എന്ന വിഷമം തെല്ലെങ്കിലും മറക്കുന്നത് ആ ജനാലയിലുടെ ഇളം കാറ്റിങ്ങനെ ക...ടന്നു വരുമ്പോഴാണു ജോലിയൊക്കെ ഒതുക്കി മാത്യഭുമി പത്രവുമായി ഇങ്ങനെ വെറുതേ കുറച്ചുനേരം അപ്പോഴേയ്ക്കും വഴി വിജനമായിട്ടൂണ്ടാവും അമ്മ ഇവിടെ ഒറ്റയ്ക്കാണു വഴിയോരത്തുള്ള ഈ ജനലത്ര പന്തിയല്ല എന്നു മകനെ ധരിപ്പിക്കാൻ മരുമകൾ ഒരുപാടൊന്നും കഷ്ട്പെട്ടിട്ടൂണ്ടാവില്ല പണ്ട് അവനുറങ്ങാൻ തൊട്ടിലായിരുന്നത് ഈ ജനൽ കമ്പിയിൽ ഞാത്തിയ തുണിയായിരുന്നു എന്നോർക്കാൻ അവനിപ്പോൾ സമയമുണ്ടാകാറില്ലല്ലോ, മാത്യദിനത്തിൽ ആശംസകൾ അറിയിക്കുന്ന അതേ സ്നേഹത്തോടെ തന്നെ അവൻ ജനലിളക്കി അവിടെ അടച്ചുപുട്ടാനും ഉത്തരവിട്ടത്, അപ്പുറത്ത് അയല്പക്കത്തു നിന്നു ഒരു ബഹളമുണ്ടായാലോ, സന്തോഷമുണ്ടായാലോ ഞാനിനി എങ്ങനെയറിയും ജനലുണ്ടായിരുന്നെങ്കിൽ അതൊന്നു തുറന്നിട്ടാൽ മതിയായിരുന്നു ചുറ്റും നടക്കുന്നതൊക്കെ അറിയാൻ പക്ഷേ മുഖത്ത് പരന്ന വിഷാദവും കണ്ണിലുണ്ടായ നനവും കണ്ടാകണം ചെറുമകൻ ഇംഗ്ലിഷിൽ പറഞ്ഞത് "Don’t worry grandma, upload all news in Face Book

Happy mother’s daySee More

 

 പരസ്പരം അറിഞ്ഞുമടുത്തുമെത്ര സംവൽസരങ്ങൾ
 കഴിഞ്ഞാലുമോർത്തും ഓർമ്മിച്ചുമീ സൗഹ്രദത്തിൻ  ഇടനാഴിയിലല്പം
 കോർത്തുകരങ്ങളിടയ്ക്കു പിരിയാത്തവണ്ണം
നേർത്തപുഞ്ചിരി കൊടുത്തുവാങ്ങാമിനി തിരിച്ചുമതുപോലെ
നനുത്ത സൗഹ്രദ ചാറ്റൽ മഴനനഞ്ഞു നീങ്ങുന്നവരാണു നാം
നിവർത്തി കാട്ടരുതെത്ര ഭംഗിയുണ്ടെങ്കിലും വിരോധമീ കുട
ഒരുമിച്ചൊരുമിച്ചു പങ്കിട്ടെതെല്ലാം രസമുള്ള വാക്കുകൾ
നുണഞ്ഞിറക്കുന്നതു പ്രിയമുള്ള വാർത്തകൾ

 

വറ്റിവരണ്ടു കിടക്കയാണിവൾ പണ്ട്
എത്രനാൾ കോരികുളിപ്പിച്ചതാണെന്നെ
നാളെത്ര ഞാനുമെൻ ചങ്ങാതിമാരും
നീന്തി തുടിച്ചു നടന്നതാണീ മാറിൽ
ഓളങ്ങൾ കൊണ്ടെന്നെ മെല്ലെ തഴുകി
ഓർമ്മയിൽ ഇന്നും കുളിരായവൾ
അഴുക്കുനിറഞ്ഞ ചാലായി മാത്രം
ആഴലിന്റെ ഓർമ്മകൾക്കു തണലായി മാത്രം
കാണുമ്പോൾ താങ്ങാവതല്ലയീ ദുഖം
കരകവിഞ്ഞു നീയിനി എന്നാണൊഴുകുക

 

മുറ്റത്തു നന്നായി പടർന്നു നീന്നീടുന്നു
മാവും പിലാവും പുളിയും അങ്ങനെ
മണ്ണൊരു മായാത്തിടവഴി തീർക്കുന്നു
മാമലകൾക്കിടയിലുടിങ്ങനെ
ഊറ്റികുടിക്കാൻ തെളിനീരുമായിതാ
... ഉറവവറ്റാത്ത കിണറും തൊടിയും
അതിരിലിടയ്ക്കു പുവിടുന്നു കാട്ടു കടമ്പും
അരളിയും കൊന്നയും
ആരെയും മോഹസുരഭിലമാക്കുന്ന
മുല്ലവള്ളിയും ചെറുമണിപുക്കളും
കൺചിമ്മിയൊന്നു നോക്കുമ്പോഴൊക്കെയും
കാണാത്തിടത്തേയ്ക്കു പോയ്മറഞ്ഞു

ഒക്കെയുമൊക്കെയും ഓർമ്മകൾ കൊണ്ടു ഞാൻ
ഒറ്റയ്ക്കിരുന്നു വരച്ച ചിത്രം

വാമഭാഗത്തിനു പരാതി ചുടുകുടുന്നു ഫാനിന്റെ കാറ്റ് പോരാ എസി പോലെയെന്തെങ്കിലും വേണം സഹിക്കാൻ പറ്റാത്ത ചുട്, വേണം മുറ്റത്തെ മുവാണ്ടന്മാവ് എത്ര നല്ലോണം കായ്ച്ചിരുന്നതാ എന്തോരം തണൽ വിരിച്ചിരുന്നതാ ബാല്ല്യകാലത്ത് എത്രവട്ടമാണതിന്റെ തണലും മധുരവും നുണർന്നത് വെട്ടികളയാമെന്നു തലയിണ മന്ത്രം കേട്ട എനിക്കിതു തന്നെ വേണം, ഒരഞ്ചാറില പൊഴിയിച്ച് അതങ്ങനെ തലയുയർത്തിനിന്നതല്ലേ വെളുക്കുമ്പോൾ കാശ് കൊടുത്ത് വിയർക്കാൻ പോകുന്നതിനെക്കാൾ എത്രയോ മെച്ചമായിരുന്നു ചെറിയ കുറ്റിചുലുകൊണ്ട് മുറ്റമടിച്ച് വ്യായാമം ചെയ്തിരുന്നത്, കുളിച്ചിട്ട് രണ്ടു ദിവസമായി വെള്ളമില്ല എന്തൊക്കെയായിരുന്നു കിണറു മുടാൻ പറഞ്ഞ ന്യായങ്ങൾ വെള്ളം മഞ്ഞനിറത്തിലാണു കുട്ടീകൾ എത്തിനോക്കുന്നുണ്ട് കാൽ വഴുതിയെങ്ങാനും ...ഞങ്ങളീ പത്തുമുപ്പതു പിള്ളേരീ കിണറീന്റെ കരയിലാണല്ലോ വളർന്നതെന്നു പറയാൻ അന്നു തോന്നിയില്ല അനുഭവിക്കണം ഞാനീ ചുടും വെയിലുമനുഭവിക്കണം, വെള്ളമില്ലാതെ ദാഹിച്ചു വലയണം എനിക്കിതു തന്നെ വരണം ഇങ്ങനെ തന്നെ വരണം