യാത്രകൾ

മറക്കുവാനാകാത്ത യാത്രകൾ എത്ര
മായ്ക്കാനാവാത്ത നിമിഷങ്ങൾ എത്ര
ജീവിതമെന്നയീ തോണിയിലേറി നാം
വിധിയോട് പോരുതി തുഴയുന്നതെത്ര

പുറമേ നിലാവിന്റെ പുഞ്ചിരി തൂകി
പാഞ്ഞടുത്തെത്തുന്ന ചങ്ങാതികളെത്ര
അകമേ വിഷത്തിന്റെ പത്തികളാർത്തി
അടുക്കുമ്പോളറിയുന്ന ശത്രുക്കളെത്ര

സമ്പത്തുകൊണ്ടെന്റെ സ്നേഹമളർന്നവരെത്ര
സന്തോഷകാലത്തു എന്നെ  പ്രണയിച്ചവരെത്ര പൊട്ടികരഞ്ഞു ഞാൻ ദുഖങ്ങളാറ്റുമ്പോൾ
കെട്ടിപിടിച്ചാശ്വസിച്ചെതെൻ മിഥ്യകൾ മാത്രം

ജീവിതമെന്തെന്നറിയുന്നു ഞാനിപ്പോൾ
ജീർണ്ണിച്ച പ്രാരാബ്ധകെടുതികൾ പുണരുമ്പോൾ
ആത്മാർഥതയില്ലാത്ത സ്നേഹത്തെ ഇപ്പോഴും
ആത്മാർഥമായി കരുതുന്നു കുടെ ഞാൻ